Dl ann 2003 à na grupa de storiches, archivistes y apasciunedes de storia, che fova dla minonga che la storia y la lecurdanza dl’ëiles toca da unì cultiveda y valoriseda, metù su la lia dl Archif storich dl’ëiles de Bulsan.
Te si sënta nueva, tla streda Dolomiti 14 a Bulsan, vën la documentazion revardënta la storia de gënder culeziuneda, cataloghiseda, archivieda y metuda a despusizion de chiche uel fé nrescides y studesc.
L Archif storich dl’ëiles de Bulsan à de plu obietifs, fdanter chisc
1) l’acuisizion y la culezion de duc i fonds d’archif nteressanc per la storia dl’ëiles tl lim di cunfins dl Tirol storich tres
- l’acuisizion, la nventariazion y la giaurida al publich de fonds archifs de nteres feminil
- l’elaburazion de n repertore cun la ndicazions che ie de bujën per ruvé pra i fonds documenteres revardëntes la storia dl’ëiles cuntenii te archifs publics o privac
- la criazion de na biblioteca scientifica spezialiseda
2) la promozion dla nrescida de gënder y ativiteies de furmazion y nfurmazion sun la storia dl’ëiles tres
- l azes liede al publich ai fonds d’archif cunservei y ai repertores
- la cunsulënza y l sutëni per proiec de nrescida tl ciamp dla storia dl’ëiles y de gënder
- manifestazions, cunvënies, seminares, workshops, mostres, proiezions de films y vijites menedes
L'urganisazion dla lia
La gestion zentrela dla lia ie afideda al Cunsëi diretif che ie metù adum da 8 ëiles litedes dala nduneda generela per n tëmp de doi ani. Dl diretif fejel tl mumënt pert:
- Alessandra Spada – presidënta
- Ingrid Runggaldier – vizepresidënta
- Martha Verdorfer – cassiera
- Ingrid Facchinelli
- Giada Noto
- Franca Toffol
- Cinzia Villani
- Alessandra Zendron
Culaburadëures dl Archif:
- Marianne Reichsigl – aministrazion y comunicazion
- Giovanna Tamassia – archivista